[配對顧問Kahlen之深情剖白: 點解要結婚?] | 香港交友約會業總會 The HK Federation of Matchmaking and Speed Dating Industry

[配對顧問Kahlen之深情剖白: 點解要結婚?] 香港交友約會業總會 Hong Kong Speed Dating Federation - 一對一約會, 單對單約會, 約會行業, 約會配對

 

2020-05-23 13:15:56

[配對顧問Kahlen之深情剖白: 點解要結婚?]

世事就係咁有趣,以前一直冇憧憬過結婚嘅本人,卻突然有一日閃婚了!雖然so far我只係結咗婚年零,都可以話俾大家知一啲我以前冇expect過嘅好處。

首先,個心定咗。唔係話以前就晚晚喜歡夜蒲,身邊人如車輪轉,但結婚後感覺人生其中最重要嘅一環處理咗,可以將心神專注於工作及興趣中,唔使再尋尋覓覓。記得結婚後大半年,有日我問老公結婚後有咩感覺,佢都話覺得鬆咗一口氣,因為佢當年有咗結婚念頭後,不斷date唔同女仔,話高峯期時每個weekend都見唔同人,實在非常之攰!雖然可能佢係氹我,但佢話我知當男人萌生結婚念頭後,都會十分之著急,好想settle down。

另外,開心嘅係擁有自己建立嘅家庭。雖然我原生家庭都不錯,但有自己嘅家庭後,個感覺係另一回事,有種「身邊有個人將會同你一齊變老」嘅感覺。每晚有咩開心或者唔順心,我同對方都會互相分享,有時傾到好夜都唔願瞓。有人同你分享生活中嘅點滴,個感覺平淡得黎又好sweet。

以前以為結婚後會失去自由,誰不知最後我享有更多自由(當下我地仲未有小朋友)。因為以前屋企連我有5個人,私人空間唔多,有時夜少少番屋企都怕嘈到成屋人。由於我同佢都唔會追蹤對方行蹤,只要唔係太夜番,我放工後有時會享受me time去靜靜地飲杯嘢,佢又會去公園散下步。

利申,個人認為單身絕非罪!唔好因為社會壓力為搵而搵,但若然你真係渴望一段感情或婚姻,心態要健康,切忌太心急,小心搵對象,話唔定有日你都好似我咁然間就遇到個可以結婚嘅對像,享受婚姻之樂。

作者: Kahlen Li (HK Romance Dating Ltd Matching Consultant) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love



上一篇: 【配對故事討論:仙氣美女都單身,係真唔係啊…(下)】
下一篇: 【高難度配對分享(上)】年薪300萬女強人,擇偶條件竟然係……