【配對故事討論：藝人搵另一半，難唔難配? (下)】

可能大家以為，我哋寫呢啲文章，實會唱好當中嘅男女主角，寫到全部都拍到拖。但我哋呢啲配對故事全部都係真人真事，現實當中，又豈能事事盡如人意呢?

作為足球評述員兼演員嘅Andrew，認識咗身高172cm嘅Alice，佢哋一見鍾情，有講唔完嘅話題。可惜，約會咗兩個月，Andrew喺大陸嘅Marketing公司生意好好，Andrew幾乎撥出所有時間喺內地做嘢，完全忽略Alice。顧問向Andrew做約會跟進，佢開頭一路話自己好忙，到最後直頭唔應機。Alice同Andrew嘅聯絡越來越少，whatsapp傳出嘅文字比普通朋友仲要少。我哋勸Alice唔好再等佢，要搵一個珍惜自己、願意付出時間拍拖嘅男仔，Alice兩個月之後就搵到男朋友，之後仲結埋婚，反觀Andrew就繼續失蹤，一路都搵唔到人。

類似情況仲有一位TVB女藝人June(化名)，June講我哋知，原來拍劇通常要直踩十幾個鐘，由朝早拍到夜晚，黃昏拍到第二朝清晨係等閒之事，而且呢啲通告唔係早一兩個月就可以知道。每次June的起心肝想約男仔，啲通告又自動送到，June唯有把約會之事一再延期。我哋都好體諒佢情況，原本一年嘅合約，俾佢一路延長到兩年半，呢兩年半裡面，佢見過三個男仔，斷斷續續同佢哋見面，但都因為太忙而維繫唔到。佢亦都唔好意思再申請延長合約。

其實所有藝人都好忙，但又唔係個個藝人嘅求偶case都失敗嘅，我哋亦成功幫一啲節目主持人、主播等等脫離單身。總結嚟講，愛情面前人人平等，付出幾多心血就有多少回報，希望Andrew同June快啲放下忙碌嘅工作，抽更多嘅時間經營愛情。

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: 【配對故事討論：藝人搵另一半，難唔難配? (上)】
下一篇Speed Dating單身資訊: 【配對故事討論：仙氣美女都單身，係真唔係啊…(上)】