[名人愛情錄] 共渡時艱 才是愛情最好的模樣

劉青雲同港姐郭藹明係喺1992年拍<大時代>認識，當時喺戲內外都冇話擦出大火花。不過周慧敏知道青雲對藹明有好感，喺94年特登邀請兩人欣賞個人演唱會，造就機會俾佢哋「撻著愛火」。周慧敏成為咗呢對恩愛夫妻既重要媒人。

郭藹明本身係高材生，係美國南加洲大學修讀機械工程雙碩士，曾經喺NASA實習，而初出道時既青雲冇車冇樓，窮小子一名。佢哋第一次約會特別搞笑，當時劉青雲冇車，居然叫郭藹明活動完咗後去接佢，一齊出去吃飯，藹明當然冇拒絕就赴約。青雲問返藹明當時點解肯出嚟見佢，結果藹明話：「我以為你同我借錢，因為平時你唔好講野，突然打電話俾我一定唔正常。」

兩人拍拖時因為家底相差大，大家都愛得辛苦，女方家長更一度唔認同，但經歷風風雨雨後，喺1998年正式結婚，當時劉青雲34歲，郭藹明31歲。

結婚超過20年，郭藹明一直冇嫌棄佢，時時都讚好老公，而劉青雲亦用行動證明佢係專一好男人。即使佢哋有爭拗，青雲都會氹返老婆，仲會買佢最鍾意食既野。而且每逢周年紀念日，都一定會同太太好好慶祝。最重要係依家行街兩公婆都會甜蜜拖手，當街錫錫，兩人感情持續保鮮。

青雲每日大哂恩愛，仲話: 「每次當我開著宇宙飛船，不知道飛往宇宙哪裡，妳總有辦法令我安全返回地球。」性感又浪漫既說話，已經證明青雲又幾咁愛錫老婆，亦都將老婆放喺宇宙第一位。雖然外界不斷追問點解兩個唔生小朋友，但對佢哋嚟講冇小朋友從來都唔係維繫一個家庭既必要條件，因為佢哋用行動證明，兩個人既愛已經好足夠。

青雲同藹明既戀愛故事，已成為每個人心目中最理想既銀幕夫妻。咁你又搵到屬於你既愛情故事嗎?

作者: 張惠萍、黃嘉如 (HK Romance Dating Ltd創辦人) www.hkrd.com.hk / goldenmatching.com

#香港交友約會業總會 #香港婚活 #單身男女 #HKRD #HKMDI #HK Romance Dating #Speed Dating #matching

上一篇Speed Dating單身資訊: [名人愛情錄] 縱使姊弟戀不被看好 兩人仍堅定愛著對方
下一篇Speed Dating單身資訊: 王子只會配公主，自我Upgrade 你都可以