約會成日都有電燈膽? 點算好呢? | 香港交友約會業總會 HK Speed Dating Industry Federation

約會成日都有電燈膽? 點算好呢? 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2019-09-24 14:31:57

約會成日都有電燈膽? 點算好呢?

連結:http://www.hkrd.com.hk/tips/dating-lightbulb-matching-love

有speed dating男會員識到一對一齊參加活動的女仔,但佢只對其中一位有興趣,而且想約佢出來,但呢個女仔次次dating都要求預埋佢朋友。HKRD創辦人Anita就認為有兩個可能性,一係呢個女仔想尋找安全感,一係就果個朋友對呢個男仔有興趣,所以想撮合佢哋,網友嘅睇法又係點呢?
 

Fan Yuen: 如果個女仔成日預埋朋友出黎,好有可能個女仔對個男仔無興趣; 將心比己,你如果對個男仔有興趣,你會唔會成日叫個朋友出黎先?; 又或者另一可能,就係個女仔朋友反而對個男仔有興趣

Theo: 我估呢嗰女仔無咩安全感,覺得同陌生男人單獨出街會有危險,所以朋友其實係保標兼幫下眼!

Kermit: 1. 女士對男士冇足夠信心,唔肯單獨約會; 女士對男士了解不足,加上男士不能給女士太大感覺,所以想聽下閏密意見; 男士可能同女士相識不久,就太快表白或表露對女士嘅情感,令女士有壓力下不知如何是好,所以帶埋閏蜜出嚟,增加安全感!
所以男士不要太心急表白,試下多點關心女方,亦唔好介意對方帶閏蜜一齊約會,你可以試下先從閏蜜口中深入了解女方,再諗下女方是否真係適合自己,而且也可以表現自己對女方及其閏蜜的關懷,令女方心目中有暖男嘅感覺之餘,而閏蜜亦幫你講好說話!
咁到時,閏蜜又幫你,女方又對你有好感,一齊咗之後,閏蜜bye bye....

Jacky: 我認為個女仔如果係反覆出現呢個要求,同安全感無關。因為會有相當時間建立熟悉感。唔排除呢個可能性,不過低啲。不過認同唔好介意對方帶閏密出黎一說。
應該係個女仔個朋友對個男仔有興趣。
首先,個女仔如果對個男仔冇好感或者信任度不足,唔會想將個朋友推俾佢。基本可以排除安全感問題。(唔係完全排除)
其次,如果個女仔本身有興趣,通常個朋友會知。所以出黎會單獨出。除非佢地決定開心share。
所以最大可能答案只有個女仔本身興趣唔大不過個friend好有興趣。
建議先出黎了解。如果個男仔同佢個朋友親近啲嘅話,個女仔有可能會妒忌,咁就有機會。如果唔係就長期作戰了。


無論個女仔嘅心意係點都好, 最起碼佢都肯出來約會了解你多啲, 所以男士盡量同佢多多溝通,睇下可唔可以擦出愛火花啦!!

作者: 張惠萍 (HK Romance Dating創辦人)

上一篇: 政見不同點解決?
下一篇:樂觀的人最好命

文章來源: HKRD GROUP ( goldenmatching.com / hkrd.com.hk / hkrdfashion.comdaydaygodating.com  )

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #電燈膽



上一篇Speed Dating單身資訊: 政見不同點解決?
下一篇Speed Dating單身資訊: 樂觀的人最好命